Barrscéalta

Tá feachtas seolta ag Coiste Cultúr agus Forbartha Loch an Iúir agus iad ag iarraidh go gcuirfí bearta i bhfeidhm le srian a chur ar an luas a bhíonn le trácht a bhíonn ag dul fríd an bhaile.

Seolfar leabhar úr faoin drámadóir, fear gnó agus fear pobail, Tomás Mac Giolla Bhríghde ag ócáid a bheas ar siúl in Amharclann Ghaoth Dobhair san oíche amárach agus bhí údar an leabhair, Noel Ó Gallchóir linn sa stiúideo ar maidin.

Beidh cruinniú oscailte ar siúl in Eadarnaidh i bhFear Manach maidin amárach le plé a dhéanamh ar chraobh de Chonradh na Gaeilge a bhunú sa cheantar.

Cuirfear tús le Féile Ailt an Chorráin inniu agus iad ag ceiliúradh 50 bliain ar an fhód.

Clár irise á chur i láthair beo ó stiúideo na nDoirí Beaga ag Michelle Nic Grianna agus a léiriú ag Conor Ó Gallachóir.

Eolas ag Anna dúinn ar an ghrúpa damhsa gaelach do dhaoine fásta, an IDA, a bheas ag teacht go Baile Dhún na nGall an deireadh seachtaine seo áit a mbeidh céilí mór ar siúl acu.

Is é an Dr Ó Fearraigh atá linn inniu ar an mhír rialta faoi chúrsaí sláinte agus leighis, plé inniu ar an dóigh le fanacht sábháilte sa teas seo agus ar fhiabhras léana i measc ábhar eile.

Tá ócáid beartaithe ag CLG Naomh Muire, Íochtar na Rosann le hairgead a bhailiú don chumann agus beidh seoladh acu don ócáid tráthnóna amárach nuair a bheas eolas a thabhairt faoi “Na Méilte ag dul go Hollywood!”.

Mír rialta faoi chúrsaí nádúr agus garraíodóireachta. Plé inniu ar an dóigh le haire a thabhairt do phlandaí agus do bhláthanna san aimsir mhaith, comhairle ar bhiatas a fhás, agus eolas ar na plandaí tí atá furast a fhás agus cúram a thabhairt daofa agus an planda umbrella.

Le scéalta móra nuachta an lae ón taobh seo tíre.